Японская вытворца не прыме ўдзелу ў двух аўташоў па эканамічных меркаваннях. Моцны курс ены працягвае негатыўна адбівацца на японскіх кампаніях. У самы апошні момант у Suzuki прынялі рашэнне не ўдзельнічаць у Міжнародным аўтасалоне ў Лос-Анджэлесе, які адбудзецца ў лістападзе 2011 года. Акрамя таго, не будзе Suzuki і на аўташоу ў Дэтройце ў студзені 2012 года, на якім кампанія не з'яўлялася з 2008 года. Як заявіў прадстаўнік японскага вытворцы Джэф Холанд: «У будучым сезоне наш брэнд будзе ўдзельнічаць толькі ў тых падзеях, дзе наша прысутнасць створыць максімальны рэзананс». Тым не менш у Suzuki плануюць сканцэнтраваць намаганні на працы на амерыканскім рынку, справы на якім з-за крызісу ідуць няважна: у 2007 годзе кампанія рэалізавала ў ЗША 100 000 аўтамабіляў, а ў 2010-м толькі 23 994.