«Белнафтахім» пацвердзіў інфармацыю аб чарговым (сёмым з пачатку года) павышэнні цэн на бензін і дызпаліва. Тым не менш грамадскасць на гэта паведамленне адрэагавала слаба, акцый пратэсту, хутчэй за ўсё, не будзе, лічаць эксперты. Увечары 13 верасня канцэрн апублікаваў паведамленне, у якім гаворыцца, што «ў мэтах паэтапнага раўнавання коштаў на тавары ў краінах Мытнага саюза» рознічныя цэны на нафтапрадукты, якія рэалізуюцца праз АЗС, павялічваюцца ў сярэднім на 3% і з 14 верасня складаюць за 1 літр дызпаліва - $0,91 (+3%), бензіну «Нармаль-80» – $0,82 (рост на 3,3%), Аі-92 – $0,86 (+2,9%), Аі-95 – $0,93 (+3,1%). Пры гэтым дзеючыя рознічныя цэны на нафтапрадукты (з улікам павелічэння) застаюцца ніжэй за ўзровень аналагічных цэн у Расійскай Федэрацыі на 2-4%, гаворыцца ў афіцыйным паведамленні. У гэтым годзе цэны на паліва павышаліся 3 сакавіка (у сярэднім на 5%), 31 сакавіка (на 10%), 24 траўня (на 20%), 7 чэрвеня (на 30%), 21 ліпеня (на 3%) і 20 жніўня (на 3%). 9 чэрвеня, пасля масавай акцыі мінскіх аўтамабілістаў «Стоп-бензін» урад знізіла цэны на 13-22%. Тады Аляксандр Лукашэнка паабяцаў, што ў далейшым цэны на паліва рэзка не вырастуць і будуць прывязаныя да курсу даляра. У квартал цэнах дазволілі расці не больш чым на 2-3%, «калі гэта трэба будзе, але не на 30%», піша беларуская інфармацыйная кампанія «БелаПАН». Чарговае павышэнне рознічных цэн на нафтапрадукты наўрад ці прывядзе да пратэстнай акцыі беларускіх аўтамабілістаў, лічыць кіраўнік грамадзкай арганізацыі «За Аўто» Арцём Шаркоў. Ён мяркуе, што цяпер не да гэтага: усе замерлі ў чаканні таго, што будзе на валютным рынку краіны. Нядаўна кіраўнік Беларусі паабяцаў на працягу бліжэйшых пяці гадоў пабудаваць у краіне аўтабаны нямецкага ўзору.