Мытнікі магаданскага порта выявілі 6 машын з перавышэннем радыяцыйнага фону. Заражаныя аўтамабілі прыбылі ў Расею з японскага порта Тояма. Узровень радыяцыі гэтых машын перавышае норму ў два-тры разы. Магаданская мытня адправіла іншамаркі назад у Японію, так як праводзіць дэзактывацыю ніхто не мае намеру. Правяраць грузы з Японіі пачалі пасля катастрофы 11 сакавіка. Тады з-за землятрусу адбылася аварыя на японскай АЭС Фукусіма-1, якая прывяла да ўцечкі радыяцыі. Раней дрэнныя іншамаркі выяўлялі ва Уладзівастоку, а ў Піцеры заражаную гуму.