Гуд ньюс для фанатаў усякага прыгожага накшталт класічных Porsche – кампанія адкрыла на днях першы ў гісторыі цэнтр па абслугоўванні і продажы "тых самых" мадэляў. Знайсці такі можна ў нідэрландскай правінцыі Гелдэрланд (Porsche Classic).
Штука ў тым, што кампанія даволі даўно займаецца падтрымкай уладальнікаў рарытэтных машын, аднак да гэтага часу не існавала асобнага дылерскага цэнтра выключна для класікі. Так, пакуль такі толькі адзін, але да канца 201-га ў "Паршэ" абяцаюць пад сотню цэнтраў (да прыкладу, у Аўстраліі, Бельгіі, Канадзе і ЗША), у якіх можна будзе як набыць цалкам адрэстаўраваную класічную мадэль, так і адрамантаваць сваю бабулю – да вашых паслуг каталог з 52 тысячамі арыгінальных запчастак і падрыхтаваныя сэрвісмены.
Што ж, гучыць крута. Даеш класіку!