Японскі аўтаканцэрн Toyota Motor Corp. вымушаны спыніць вытворчасць у дзевяці краінах, куды пастаўлялі камплектуючыя з Тайланда. На афіцыйным сайце Toyota паведамілі, што скарачэнне вытворчасці закране прадпрыемствы па зборцы аўтамабіляў у Японіі, ЗША, Канадзе, ПАР, Інданезіі, Філіпінах, В'етнаме, Пакістане і Малайзіі. Пачынаючы з заўтрашняга дня заводы будуць працаваць у новым рэжыме. Цяжкасці ўзніклі з пастаўкамі аўдыёсістэм, выключальнікаў, дыедаў і мікракантролераў, якія вырабляюць у затопленым паводкай Тайландзе. Колькі часу прадпрыемствам Toyota прыйдзецца працаваць у скарочаным рэжыме, пакуль невядома. Нагадаем, што наймоцнае паводка ў Тайландзе паралізавала працу некалькіх кампаній, у тым ліку японскіх. Так, напрыклад, аўтаканцэрн Honda Motor Co. быў вымушаны спыніць свае заводы ў Тайландзе і Малайзіі і скараціць вытворчасць у Вялікабрытаніі і Бразіліі. Аналагічныя праблемы адчуваюць Nissan і Mitsubishi Motors.