Фірма Volvo Cars у многіх асацыюецца з бяспекай. І нездарма, бо шведы пры распрацоўцы сваіх аўтамабіляў надаюць ёй павышаную ўвагу. У арсенале ў скандынаваў маюцца сістэмы прадухілення наезду на пешаходаў і папярэджання сутыкнення з наперадзе ідучым транспартным сродкам. У хуткім часе да іх дадасца сістэма сачэння за дзікімі жывёламі на дарогах. Навінка скануе дарогу наперадзе машыны з дапамогай радара і інфрачырвонай камеры, якія ўмеюць распазнаваць дзікіх жывёл і ў выпадку чаго падаваць адпаведныя сігналы спачатку кіроўцу, а калі ён не рэагуе належным чынам, то і тармазным механізмам. Каб навучыць сістэму рабіць гэта, спецыялістам кампаніі прыйшлося правесці вечар у запаведніку і адздымаць спецыяльны відэаматэрыял, які дапамог ім вывучыць звычкі буйных звяроў (найбольшую небяспеку на дарогах ўяўляюць ласі, алені і лані). Стваральнікаў сістэмы заахвоцілі да дзеянняў жаласныя статыстычныя дадзеныя, зыходзячы з якіх толькі ў 2010 годзе ў Швецыі колькасць ДТЗ з удзелам «жыхароў лесу» перавысіла 47 тысяч, а з-за іх жа ў ЗША з 1993-га па 2007-й загінула 2499 чалавек. Так што вольвовцы на верным шляху. Увогуле, чакаем з'яўлення важнага ноў-хаў на серыйных прадуктах карпарацыі.