Кампанія «Лукойл» да 2020 года інвесціруе ў нафтаперапрацоўку каля $24 млрд, з якіх $20 млрд накіруе на мадэрнізацыю расейскіх НПЗ, заявіў першы віцэ-прэзідэнт кампаніі Віктар Някрасаў. Такім чынам, «Лукойл» хоча павялічыць аб'емы перапрацоўкі нафты і пазбегнуць недахопу паліва. Топ-менеджар кампаніі адзначыў, што ў бягучым годзе аб'емы продажу «Лукойла» выраслі на 20-25 % у параўнанні з 2010 годам. Мадэрнізаваць НПЗ кампанія пачне ўжо ў наступным годзе. Кампанія валодае нафтаперапрацоўчымі заводамі ў шасці дзяржавах. У Расіі ў «Лукойла» чатыры НПЗ. Расейскія ўлады звярнулі пільную ўвагу на нафтаперапрацоўку пасля таго, як у красавіку гэтага года ў шэрагу рэгіенаў краіны выліўся бензінавы крызіс, у аснове якога ляжала рэзкае павелічэнне экспарту паліва. Было нават вырашана стварыць спецыяльную інфармацыйную сістэму (якая запрацуе ўжо ў снежні), каб адсочваць ход мадэрнізацыі нафтаперапрацоўчых заводаў.