У Беларусі паліва падаражэла ў дзявяты раз за год

Канцэрн «Белнафтахім», манапольна які вызначае цэны на ўсіх бензазапраўках краіны, зацвердзіў новыя адпускныя і рознічныя цэны на нафтапрадукты ў краіне. Гэта ўжо дзевятае павышэнне коштаў на маторнае паліва ў гэтым годзе. Рознічныя цэны на бензіны, якія рэалізуюцца праз АЗС, павялічыліся ў сярэднім на 3%, на дызельнае паліва - на 5%. Канцэрн матывуе павышэнне коштаў тым, што нафтаперапрацоўчыя заводы рэспублікі набываюць валюту для закупкі нафтавай сыравіны на дадатковай гандлёвай сесіі Беларускай валютна-фондавай біржы па рынкавым курсе. З пачатку 2011 года цэны на паліва ў Беларусі павышаюцца ў дзявяты раз. Апошняе павышэнне рознічных коштаў на бензін было 1 кастрычніка, тады яны выраслі, у сярэднім, на 5%, а «Белнафтахім» растлумачыў перагляд цэн на нафтапрадукты «паэтапным раўнавання коштаў на тавары ў краінах Мытнага саюза». Нядаўна кіраўнік Беларусі паабяцаў на працягу бліжэйшых пяці гадоў пабудаваць па нямецкаму ўзору аўтабаны, якія звяжуць Мінск з абласнымі цэнтрамі рэспублікі.