Украіна рыхтуецца да адмены мытных пошлін з ЕС

Украіна ў рамках стварэння зоны свабоднага гандлю з Еўрапейскім Саюзам паступова адменіць экспартныя мытныя пошліны пры правядзенні гандлевых аперацый з краінамі ЕС. Пры гэтым спрашчэнне рэжыму пастаўкі на Украіну аўтамабіляў з ЕС працягнецца не менш за 10 гадоў, заявіў упаўнаважаны краіны па пытаннях еўрапейскай інтэграцыі Валерый Пятніцкі па выніках правядзення 18-га раўнда перамоваў з ЕС. «Украіна адмяняе экспартныя мытныя пошліны. Вядома, на поўную адмену неабходна пэўны час. Мы дамаўляемся аб пераходным перыядзе, які ў агульнай складанасці будзе працягвацца 10-15 гадоў пасля ўступлення ў сілу пагаднення», - распавёў украінскі чыноўнік агенцтву «Укрінформ». У сферы экспарту аўтамабіляў, вырабленых у краінах ЕС, дасягнуты дамоўленасці адносна паступовай лібералізацыі рэжыму гандлю з паралельным прыняццем ахоўных мер на ўкраінскім рынку. Лібералізацыя будзе доўжыцца 10 гадоў, прычым у двухбаковым гандлі аўтамабілямі будзе дзейнічаць формула «10+3+2». Гэта значыць яшчэ 10 гадоў у краіны захаваецца магчымасць пры дасягненні пэўных аб'ёмаў пастаўкі і долі на рынку вяртацца да поўнай пошліны. Такі рэжым будзе падоўжаны на 3 гады пасля завяршэння дзесяцігадовага пераходнага перыяду. І яшчэ 2 гады Украіна зможа прымаць ахоўныя меры, калі будзе даказана нанясенне шкоды эканоміцы краіны. Што тычыцца Расеі, то яна наўрад ці далучыцца да СГА да канца года, а перамовы могуць працягнуцца і таго даўжэй. Ключавым пытаннем застаецца новы рэжым прамысловай зборкі ў РФ, якім незадаволены ЕС.