КамАЗ і Daimler запускаюць новую мадэль цягача

З дапамогай навінкі Камскі аўтазавод плануе павялічыць долю ў гэтым сегменце расійскага рынку з 5% да 25%. Замежныя канкурэнты ў гэта не вераць і лічаць, што спажыўцы яшчэ няхутка пачнуць давяраць новай мадэлі і аддадуць перавагу надзейныя еўрапейскія машыны. КамАЗ-5490 прадставілі сёння на выставе «КомТранс-2011» . Расейская кампанія распрацоўвала кабіну, укладанні ў мадэль склалі больш за 6 млрд руб., немцы пастаўляюць для грузавіка мост і рухавік, інвеставаўшы ў цягач прыблізна столькі ж. КАМАЗ - 5490 хутка заменіць свайго папярэдніка - КАМАЗ - 5460: у 2012 годзе правядуць сертыфікацыю навінкі, а з 2013 года запусцяць у серыйную вытворчасць, піша «Коммерсантъ». Падтрымаць продажу новага грузавіка можа павышэнне пошлін на імпартныя седлавыя цягачы класа «Еўра-4» і «Еўра-5», якое лабіруе КамАЗ (да 25% і 15% адпаведна). Такое павышэнне акажа падтрымку і замежным вытворцам грузавікоў, якія пабудавалі свае заводы ў Расеі. Эксперты мяркуюць, што КамАЗ зможа заняць чацвёртую частку рынку ў тым выпадку, калі цана новай машыны будзе не вышэй 2,5 млн. руб. на фоне 3-5 млн руб. у канкурэнтаў. Канкурэнты таксама не дрэмлюць: 17 верасня адбылася прэзентацыя седлавога цягача МАЗ-6440.