Пуцін: Расея стане найбуйнейшым у Еўропе цэнтрам па вытворчасці аўтамабіляў

І адбудзецца гэта ўжо да 2016 годзе, паабяцаў на міжрэгіянальнай канферэнцыі «Адзінай Расеі» ў Чарапаўцы прэм'ер-міністр Расіі. Патэнцыялы росту ў краіне вельмі вялікія, лічыць прэм'ер. Толькі ў мінулым годзе вытворчасць легкавых аўтамабіляў у РФ вырасла ўдвая, а за першае паўгоддзе гэтага года - яшчэ на 76%. У структуры продажаў год ад года расце колькасць машын айчыннай зборкі. Так, калі яшчэ два гады таму доля сабраных у Расіі аўтамабіляў складала толькі 50%, то зараз - ужо 70%, перадае словы прэм'ера РБК daily. Адным з галоўных цэнтраў аўтапрамысловасці стаў паўночна-захад Расіі. З 1,4 млн вырабленых аўтамабіляў 400 тыс. былі зроблены менавіта там, падкрэсліў Уладзімір Пуцін. Нагадаем, у чэрвені пагаднення аб пераходзе на новы рэжым зборкі аўтамабіляў у Расіі падпісалі Sollers-Ford, Volkswagen, General Motors і кансорцыум кампаній АЎТАВАЗ, Renault-Nissan, «Іжавто», КамАЗ і ААД. .