Індыйская аўтамабільная карпарацыя Tata Motors зоймецца распрацоўкай рухавіка сумесна з Jaguar/Land Rover. Аб гэтым паведаміў уладальнік індыйскай кампаніі Ратан Тата падчас прэзентацыі штогадовай справаздачы аб дзейнасці прадпрыемства. Такім чынам кампаніі імкнуцца знізіць залежнасць ад пастаўшчыкоў папярэдняга ўладальніка - Ford Motor Company. Пры гэтым пляцоўкі для распрацоўкі новага рухавіка будуць знаходзіцца як у Вялікабрытаніі, так і ў Індыі, а вырабляць маторы плануецца ў Пуне, дзе збіраюць Land Rover Freelander. Акрамя таго, не выключана, што аўтамабілі Jaguar/Land Rover з новым рухавіком могуць прызначацца для рынку Кітая.