Адмена тэхагляду пазбавіла працы не толькі ДЗІБДР

Пасля ўвядзення ў Расіі мараторыя на тэхагляд найбуйнейшаму расійскаму вытворцу аптэчак прыйдзецца закрываць прадпрыемства і звальняць супрацоўнікаў. Вытворца аўтамабільных аптэчак ФЭСТ у Кастраме на мінулым тыдні вымушаны быў спыніць прадпрыемства і скараціць 300 з 500 работнікаў. На такія меры заводу прыйшлося пайсці пасля таго, як стала вядома, што тэхагляд адсунулі на год. Аўтамабілісты, даведаўшыся, што рыхтаваць машыну да тэхагляду не трэба, перасталі купляць аптэчкі, а аптавікі адмовіліся прымаць новыя партыі тавару. У выніку на складах завода ФЭСТ сабралася больш за 80 тысяч аўтамабільных аптэчак. У чэрвені на прадпрыемстве планавалі зрабіць за 180 тысяч аптэчак, аднак з-за перапоўненасці склада выпусцілі ў два разы менш. Кіраўніцтва завода ФЭСТ ўжо паінфармавала службу занятасці Кастрамы, а да сярэдзіны жніўня звольненым работнікам будуць выплачваць дзьве траціны заробку. У кіраўніцтве заводу рыхтуюць зварот да ўладаў з просьбай узмацніць кантроль за якасцю аптэчкі ў машынах.