Продажы аўтамабіляў Volvo у Кітаі ў траўні гэтага года ўзраслі на 82 адсотка і перавысілі 4000 штук. Кітай з'яўляецца трэцім па велічыні рынкам для Volvo, першыя два месцы належаць Злучаным Штатам (рост продажаў Volvo у траўні на 58 %) і Швецыі (+ 42 %). У Расіі зарэгістраваны 43-працэнтны рост продажаў Volvo, аднак у абсалютных лічбах вынік сціплы: 1403 аўтамабіля. Усяго ў траўні было прададзена амаль за 41,5 тыс. аўтамабіляў Volvo па ўсім свеце. Па словах прэзідэнта і выканаўчага дырэктара Volvo Стэфана Якабі, у кампаніі лічаць, што два гады таму выбралі правільнага новага ўласніка - кітайскую карпарацыю Zhejiang Geely Holding Group. Разам два аўтавытворцы маюць намер пабудаваць новыя заводы ў Кітаі, набраць для працы на іх новых людзей і прапанаваць пакупнікам зусім новыя мадэлі, гэтак жа «прасунутыя», як і цяпер прапануюцца ў Еўропе.