Volkswagen можа адкрыць другі завод у Расіі

Нямецкі аўтамабільны канцэрн разглядае магчымасць адкрыць у Калузе яшчэ адно прадпрыемства магутнасцю 150 тысяч аўтамабіляў у год. Ёсць і іншы варыянт: павялічыць вытворчасць ўжо існуючага завода. Акрамя таго, яшчэ каля 100 тысяч машын нямецкі канцэрн плануе штогод вырабляць на ГАЗе. Усё гэта неабходна, каб пазбегнуць высокіх мытных пошлін. На мінулым тыдні Volkswagen падаў дакументы на ўдзел у праграме урада РФ, якая прадугледжвае падатковыя паслабленні пры імпарце ў РФ запчастак, калі на мясцовых заводах будзе вырабляцца не менш за 300 тысяч аўтамабіляў. Па новым пагадненні Volkswagen плануе выпускаць 11 мадэляў аўтамабіляў. Кампаніі таксама неабходна ў рамках дагавора пабудаваць у Расіі завод па вытворчасці рухавікоў. Нагадаем, Мінэканамразвіцця РФ і Мінпромторг 1 чэрвеня падпісалі чатыры дадатковых пагаднення па новаму рэжыму прамысловай зборкі аўтамабіляў.