Прэзідэнт зрабіў больш жорсткімі штрафы за паркоўку на месцах для інвалідаў

У суботу, 4 чэрвеня, Дзмітрый Мядзведзеў павялічыў суму штрафу за незаконную стаянку або прыпынак на месцах для аўтамабіляў інвалідаў у 25 разоў. Прэзідэнт падпісаў закон аб папраўках у Кодэкс аб адміністрацыйных правапарушэннях. У папраўках таксама ў дзесяць разоў павышаны адміністрацыйны штраф для службовых і юрыдычных асоб «за парушэнне патрабаванняў заканадаўства аб выдзяленні на аўтамабільных стаянках месцаў для транспартных сродкаў інвалідаў», перадае РІА «Навіны». Акрамя таго ў санкцыях надалей выключаецца магчымасць вынясення папярэджання за парушэнні правілаў паркоўкі на месцах для інвалідаў, а штраф павялічаны з цяперашніх 200 рублёў да пяці тысяч. Мінімальная сума штрафу дасягне трох тысяч рублёў. Нагадаем, дадзены законапраект Дзярждума прыняля 13 траўня, а Савет Федэрацыі адобрыў 25 траўня.