Навальный будзе змагацца супраць ям на дарогах

Заснавальнік сайта «Роспіл» Аляксей Навальный запусціў новы праект – «РосЯма». Грамадзяне атрымалі рэальную магчымасць скардзіцца на нядбайных чыноўнікаў, якія ігнаруюць ямы і заганы на дарогах. «На дарозе, якой вы карыстаецеся кожны дзень, ёсць яма (тырчаць рэйкі, каналізацыйны калодзеж і да т. п.), якая вас раздражняе. І правільна бесіць, бо калі яма парушае ДАСТ (напрыклад, яе глыбіня больш за 5 см), то яе павінны заладзіць, а чыноўніка, які адказвае за гэтую дарогу, – прыцягнуць да адказнасці», – піша Навальны. Карыстальнікі могуць пасылаць скаргі і фатаграфіі праблемных участкаў, а юрысты новага праекта будуць звяртацца ў дзяржаўтаінспекцыю. «РосЯма» адлічвае 37 дзён на выкананне вашых патрабаванняў. Калі яны не выкананыя, то генеруе тэкст скаргі ў пракуратуру», – піша Навальны. А тым часам прэм'ер-міністр Уладзімір Пуцін правёў нараду ў Цверы, дзе распавёў, якім бачыць будучыню расійскіх дарог.