Легендарны Ferrari 250 GT SWB 1960 года прададзены за 11 мільенаў долараў

Да нядаўняга часу аўтамабіль належаў бізнэсмэну Найджелу Корнеру, асобу новага ўладальніка не раскрываецца. Вядома толькі, што аўтамабіль застанецца ў Брытаніі.
На аўтамабілі ездзілі такія пілоты Формулы-1, як Сцірлінг Мос, які з дапамогай гэтага аўтамабіля выйграў тры гонкі, і Майк Паркс, які таксама тройчы займаў першае месца.


Дадзены Ferrari 250 GT SWB з нумарам шасі 2119 быў выраблены ў 1960 годзе і стаў 39-м аўтамабілем гэтай мадэлі. Пад капотам - трохлітровы рухавік V12 магутнасцю каля 300 конскіх сіл. Да 100 км/ч вінтажны Ferrari разганяецца за 6,2 секунды, максімальная хуткасць - 245 кіламетраў у гадзіну. Аўтамабіль захаваны ў цалкам арыгінальным выглядзе.