Ferrari ўзначаліла пяцерку самых вядомых кампаній свету

Італьянская Ferrari, якая належыць канцэрну FIAT, ўзначаліла рэйтынг 500 самых вядомых кампаній свету па версіі Brand Finance.

Ferrari атрымала найвышэйшы бал сярод экспертаў, якія складалі рэйтынг, апярэдзіўшы Google, Coca-Cola, PwC і Hermes. Хоць італьянская кампанія па памерах і аб'ёме выручкі саступае многім сваім канкурэнтам, пры фарміраванні рэйтынгу ў разлік прымаліся такія паказчыкі, як рэнтабельнасць, сярэдні даход з аднаго кліента, эфектыўнасць маркетынгу, вядомасць і лаяльнасць да брэнду.

Лука дзі Монтедземоло, прэзідэнт Ferrari: «Заўсёды прыемна быць на чале спісу, асабліва калі гэта спіс самых вядомых кампаній свету. Гэта дасягненне даказвае, што нават у крызісныя часы Італія здольная прапанаваць сусветнаму бізнэсу перадавы вопыт. Гэта прызнанне унікальнага прадукту, які вырабляюць нашы супрацоўнікі – дзякуючы ім мы атрымалі гэтую ўзнагароду».